ჩვენ აუცილებლად დავიბრუნებთ სოხუმს და საქართველო გამთლიანდება, - ამის შესახებ „ნაციონალური მოძრაობის“ წევრმა ხატია დეკანოიძემ, გმირთა მოედანზე განაცხადა, სადაც პატივი მიაგო დაღუპულ გმირთა ხსოვნას.

მისივე თქმით, საქართველოს ოკუპაცია ყოველთვის მნიშვნელოვანი საკითხი უნდა იყოს საერთაშორისო პარტნიორებთან.

„სრულიად საქართველო არის ერთიანი იმ აზრში, რომ ჩვენ აუცილებლად დავიბრუნებთ სოხუმს და საქართველო გამთლიანდება. მაგრამ ყველაზე მნიშვნელოვანი არის ის, რომ სწორედ ამ ერთიანობაში, ამ მთლიანობაში ჩვენ ვიყოთ ასევე ერთიანი ჩვენს საერთაშორისო პარტნიორებთან და საქართველოს ოკუპაციის თემა ყოველთვის იყოს ძალიან მნიშვნელოვან ეტაპზე“, - განაცხადა დეკანოიძემ.

ცნობისთვის, სოხუმის დაცემიდან დღეს 27 წელი შესრულდა. სამხედრო დაპირისპირება აფხაზეთში 1992 წლის 14 აგვისტოს დაიწყო.