აჭარაში კორნავირუსით ინფიცირებული 600-მდე პაციენტი მკურნალობს ბინაზე. ამის შესახებ აჭარის საზოგადოებრივი ჯანდაცვის ცენტრში განაცხადეს.
უწყების ინფორმაციით, აჭარის 8 კოვიდკლინიკაში 492 პაციენფი მკურნალობს, აქედან 49 ბავშვია, 14 კი ფეხმძიმე.
ბათუმის კოვიდკარანტინში კი 998 პირი იმყოფება, რომლებსაც კორონავირუსი უსიმპტომოდ აღენიშნებათ, მათზე ექიმები მუდმივ მეთვალყურეობას აწარმოებენ.
უწყების განცხადებით, კოვიდკარანტინში 77 არასრულწლოვანია.
აჭარაში, 24 საათში სულ 55 პირი გამოჯანმრთელდა და კლინიკა დატოვა, ხოლო კოვიდკარანტინიდან გაეწერა 38 პირი.
ცნობისთვის, გასული 24 საათის განმავლობაში აჭარაში კორონავირუსის 175 ახალი შემთხვევა გამოვლინდა, ორი ადამიანი კი გარდაიცვალა.