მიშა ბოლქვაძე - აჭარის მაღალმთიან მუნიციპალიტეტებში „ერთიანი ნაციონალური მოძრაობის" საარჩევნო ბანერები მიზანმიმართულად დააზიანეს
აჭარის მაღალმთიან მუნიციპალიტეტებში „ერთიანი ნაციონალური მოძრაობის" საარჩევნო ბანერები მიზანმიმართულად დააზიანეს, - ამის შესახებ „ერთიანი ნაციონალური მოძრაობის" მაჟორიტარი დეპუტატობის კანდიდატმა მიშა ბოლქვაძემ ბრიფინგზე განაცხადა.
ოპოზიციის წევრს მიაჩნია, რომ ეს „ქართული ოცნების" ხელწერაა.
„ხელისუფლება გვებრძვის ასეთი ბინძური მეთოდებით. ჩვენ კი აუცილებლად ვაჩვენებთ მაღალ პოლიტიკურ კულტურას და ყოველ ასეთ ვანდალურ ფაქტს საქმის კეთებით ვუპასუხებთ.
აღნიშნული ფაქტები, სოფელ აჭარისწყალში, დოლოგანში, ჭარნალსა და ახალსოფელში დაფიქსირდა",- აცხადებს ბოლქვაძე.
