გიორგი ვაშაძე - მოითხოვეთ საზოგადოებრივმა მაუწყებელმა პრემიერ-მინისტრობის კანდიდატებს შორის დებატები, რატომ არ ითხოვთ?!

„სტრატეგია აღმაშენებელის" ლიდერის გიორგი ვაშაძის შეფასებით, საზოგადოებრივი მაუწყებელი ვერ ასრულებს იმ დაკვეთას, რაც საზოგადოებას სჭირდება. მან ტელევიზიის სარედაქციო პოლიტიკა გააკრიტიკა და განაცხადა, რომ საზოგადოებრივი მაუწყებლის ინფრასტრუქტურა ნებისმიერი დამოუკიდებელი ჟურნალისტისთვის ხელმისაწვდომი უნდა იყოს.

„ჩემი აზრით, საზოგადოებრივი მაუწყებელი ვერ ასრულებს იმ დაკვეთას, რაც საზოგადოებას სჭირდება. ის უნდა იყოს ღია მექანიზმი, პლატფორმა, მათ შორის სხვა მედიასაშუალებებისთვის, რომ შექმნილი ინფრაქსტრუქტურა დამოუკიდებელმა ჟურნალისტებმაც გამოიყენონ. დღეს საზოგადოებრივი მაუწყებელი ვერ პასუხობს იმ გამოწვევებს, რომელიც საქართველოს აქვს. ის არ მონაწილეობს აღმშენებლობის პროცესში, დემოკრატიული პრინციპების განვითარებაში, რაც მთავარი ფუნდამენტი უნდა იყოს. ამ შინაარსით საზოგადოებრივი მაუწყებელი ნამდვილად არ უნდა იყოს“,-განაცხადა ვაშაძემ.

როგორც გიორგი ვაშაძე აცხადებს, საზოგადოებრივ მაუწყებელმა პრემიერ-მინისტრობის კანდიდატებს შორის დებატების ჩატარება უნდა მოითხოვოს.

„მოითხოვეთ საზოგადოებრივმა მაუწყებელმა პრემიერ-მინისტრობის კანდიდატებს შორის დებატები, რატომ არ ითხოვთ?! ლოტოტრონში რომ აგდებთ 80 პარტიას, უინტერესო რომ გახადოთ დებატები. საზოგადოებრივმა მაუწყებელმა, როგორც ჩვენი ჯიბიდან დაფანანსებულმა მაუწყებელმა, გამოდით და საჯაროდ მოსთხოვეთ ხელისუფლებას, მოვიდეს თქვენთან დებატებში, რატომ არ აკეთებთ ამას?!“,-განაცხადა ვაშაძემ.

მისი თქმით, ამის მიზეზი ისაა, რომ საზოგადოებრივი მაუწყებლის ხელმძღვანელობას სურს, დებატებისგან ფარსი შექმნას.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ბაქოში ევროპის ჩემპიონატის თასი ჩაიტანეს