სომხეთის თავდაცვის უწყება - აზერბაიჯანელი სამხედროები ქალაქ მარტაკეტში საარტილერიო შეტევას ახორციელებენ
სომხეთის თავდაცვის უწყების მტკიცებით, აზერბაიჯანელი სამხედროები მთიან ყარაბაღში მშვიდობიანი მოქალაქეების წინააღმდეგ საარტილერიო შეტევას განაგრძობენ.
„ცოტა ხნის წინ ვნახე ფოტოები, სადაც ასახულია, როგორ ახორციელებენ ისინი საარტილერიო შეტევას ქალაქ მარტაკეტში,“- აღნიშნა სომხეთის თავდაცვის სამინისტროს პრესსპიკერმა არცრუნ ჰოვანისიანმა.
პარალელურად, აზერბაიჯანის გენერალური პროკურატურა ავრცელებს ინფორმაციას, რომ სომეხმა სამხედროებმა ტარტარის რაიონში სტრატეგიულ ხიდსა და პოლიციის შენობაზე მიიტანეს იერიში.
მათივე ინფორმაციით, სომხური მხარე თავს ესხმის სამოქალაქო ობიექტებს, რის შედეგადაც ქალაქ ტარტარში რამდენიმე საცხოვრებელი სახლი დაზიანდა, საიდანაც მოსახლეობის ევაკუირება განხორციელდა.
