„ერთიანი საქართველოს“ ლიდერი ნინო ბურჯანაძე მომხდარი ავიაკატასტროფის გამო უკრაინის პრეზიდენტს ვლადიმერ ზელენსკისა და უკრაინელ ხალხს სამძიმარს უცხადებს. ამის შესახებ „ინტერპრესნიუსს“ პარტიის პრესსამსახურიდან აცნობეს.

,,ვიზიარებ უკრაინის პრეზიდენტის ვლადიმერ ზელენსკისა და სრულიად უკრაინელი ხალხის ტკივილს, მძიმეა დანაკარგი. ავიაკოტასტროფას შეეწირა ბორტზე მყოფი ადამიანების სიცოცხლე და რაც უფრო მეტად მძიმეა, ავიაკატასტროფისას დაიღუპნენ ახალგაზრდები, ავიაციის სკოლის მოსწავლეები.

სამძიმარს ვუცხადებ დაღუპულთა ოჯახებს და ამ მძიმე ჟამს გამძლეობას ვუსურვებ უკრაინელ ხალხს, “- ნათქვამია ნინო ბურჯანაძის გავრცელებულ განცხადებაში.