ქალაქ ზუგდიდში 50-მდე გზა რეაბილიტირდა. ასევე, იწყება მერაბ კოსტავას ქუჩის 2-კილომეტრიანი მონაკვეთის სრული რეაბილიტაცია. ამის შესახებ „ინტერპრესნიუსს“ ზუგდიდის მუნიციპალიტეტის მერიიდან აცნობეს.

როგორც ზუგდიდის მერმა გიორგი შენგელიამ აღნიშნა, ჯამში წლის ბოლომდე 70-მდე ქუჩის რეაბილიტაციის პროექტი დასრულდება.

„აქტიურ რეჟიმში ვაგრძელებთ გზის სარეაბილიტაციო სამუშაოებს. ქალაქში უკვე 50-მდე გზა რეაბილიტირდა, ჯამში წლის ბოლომდე 70-მდე ქუჩის რეაბილიტაციის პროექტი დასრულდება.

მუნიციპალიტეტში მოწესრიგებული ინფრასტრუქტურა უმნიშვნელოვანესია, როგორც ადგილობრივი მოსახლეობისთვის, ისე ტურიზმის განვითარებისთვის. აღსანიშნავია, რომ ამდენი გზის რეაბილიტაცია ერთდროულად, ზუგდიდში არასდროს არ განხორციელებულა,“-აღნიშნა გიორგი შენგელიამ.

სამუშაოებს საავტომობილო გზების დეპარტამენტი ახორციელებს.