სკოლებში  სამედიცინო მომსახურების სივრცის მოწყობა სავალდებულო იქნება

2022 წლის 15 სექტემბრისთვის მთელი ქვეყნის მასშტაბით ყველა სკოლა ვალდებული იქნება სასწავლო დაწესებულებაში სამედიცინო მომსახურების სივრცე მოაწყოს. შესაბამისი ცვლილებები „ზოგადი განათლების შესახებ“ კანონში შედის.

როგორც „ინტერპრესნიუსს“ საკითხის მომხსენებელმა და განათლების საპარლამენტო კომიტეტის თავმჯდომარემ, გენადი მარგველაშვილმა განუცხადა, სამედიცინო სივრცის მოწყობისა და ასევე, სამედიცინო პერსონალის ოდენობის შესახებ სტანდარტი განათლებისა და ჯანდაცვის სამინისტროებმა ერთობლივად უნდა შეიმუშავონ და მიიღონ.

მარგველაშვილის ინფორმაციით, ამჟამად მოქმედი რეგულაციით, სამედიცინო სივრცის არსებობა სკოლაში არა ვალდებულება, არამედ ნებაყოფლობითია და ამის გამო, მსგავსი კაბინეტი დაწესებულებების მხოლოდ 23%-ში, 481 სკოლაში ფუნქციონირებს.

„ყველა სკოლაში ზოგადად საგანმანათლებლო დაწესებულებაში იქნება ვალდებულება სკოლების სამედიცინო მომსახურების სივრცის ფუნქციონირებისთვის. ვინ უნდა აწარმოებდეს შემოწმებას, რა სტანდარტით, რამდენი სამედიცინო პერსონალი უნდა იყოს, როგორი იქნება გადანაწილება, ამ სტანდარტს სამინისტროები შეიმუშავებენ. მაგალითად: სადაც 2000 ბავშვია, იმ სკოლაში ექიმი უნდა იყოს, სადაც 10 ბავშვია, ეს ფუნქცია შესაძლოა, სოფლის ექიმმა შეითავსოს“, - განაცხადა მარგველაშვილმა.

მისივე ინფორმაციით, სესიაზე კანონპროექტის პირველი მოსმენით დამტკიცება მიმდინარე სესიის ფარგლებში მოესწრება. რაც შეეხება, კანონის დამტკიცებას, ის ვარაუდობს, რომ მე-10 მოწვევის პარლამენტი საკითხის განხილვას საგაზაფხულო სესიაზე დაასრულებს.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია