რატი იონათამიშვილის განცხადებით, ბოლნისში „ნაციონალურმა მოძრაობამ“ რამდენიმე ეტაპიანი პროვოკაციული ქმედება განახორციელა

ფრაქცია „ქართული ოცნების“ თავმჯდომარის, რატი იონათამიშვილის განცხადებით, ბოლნისში „ნაციონალურმა მოძრაობამ“ რამდენიმე ეტაპიანი პროვოკაციული ქმედება განახორციელა. მისივე თქმით, მას შემდეგ რაც მმართველი პარტიის აქტივისტები პროვოკაციაზე ვერ წამოაგეს, „ნაციონალური მოძრაობის“ წევრები ფიზიკურ ძალადობაზე გადავიდნენ.

„ქართულმა საზოგადოებამ კარგად ნახა, რომ სოფელ ნახიდურში იყო რამდენიმე ეტაპიანი პროვოკაცია „ნაციონალური მოძრაობის“ მხრიდან და მას შემდეგ, რაც ვერცერთ ჯერზე ვერ მოახერხეს, რომ ამ პროვოკაციაში ჩაერთოთ „ქართული ოცნების“ აქტივისტები, გადავიდნენ ფიზიკურ ძალადობაზე, მათ შორის, ხელკეტებითა და ქვებით. ჩვენ ცხადია, ამაზე გვექნება მყისიერი რეაგირება და ასევე, ჩვენ მივმართავთ ჩვენს საერთაშორისო პარტნიორებსა და მისიებს, რომლებიც არიან დამკვირვებლები წინასაარჩევნო პროცესში, რათა მოხდეს მსგავსი საკითხების შეფასება და ჩვენ მივაწვდით ამ საკითხზე ამომწურავ ინფორმაციას.

ჩვენ ადრეც ვპროგნოზირებდით, რომ მიუხედავად იმისა, რომ ვაკეთებთ ყველაფერს იმისთვის, რათა არჩევნები ჩატარდეს სამართლიან, მშვიდ გარემოში, იმ ოპოზიციის მხრიდან, რომლის რეიტინგი არის ნულთან მიახლოებული, იქნებოდა გარკვეული პროვოკაციები, მაგრამ ჩვენ თითოეულ ასეთ პროვოკაციას აღვკვეთთ და იქნება შესაბამისი რეაგირება და შეფასებები. როგორც ჩანს, ამ ადამიანებს არ აქვთ არანაირი პროაქტიული თემა ან დღის წესრიგი, რომლის მეშვეობითაც შეუძლიათ საზოგადოების წინაშე წარსდგნენ და ისაუბრონ. ამიტომ, ერთადერთი, რაც ჰგონიათ, რომ შედეგის მომტანი იქნება მათთვის, არის პროვოკაცია და ძალადობის წახალისება,“ - განაცხადა რატი იონათამიშვილმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა