ლევან გოფოძე - კორონავირუსით გარდაცვლილ 32-ე პაციენტს თირკმელების ქრონიკული უკმარისობა და შაქრიანი დიაბეტი ჰქონდა

რესპუბლიკური საავადმყოფოს დირექტორის, ლევან გოფოძის განცხადებით, კორონავირუსით გარდაცვლილ 32-ე პაციენტს, რომელიც მათ კლინიკაში მკურნალობდა, თანმხლები დაავადებები აღენიშნებოდა.

როგორც მან ჟურნალისტებთან განმარტა, პაციენტს კოვიდ 19-თან ერთად, თირკმელების ქრონიკული უკმარისობა და შაქრიანი დიაბეტი ჰქონდა.

„დღეს რესპუბლიკურ საავადმყოფოში გარდაიცვალა კოვიდინფიცირებული ერთი პაციენტი, რომლის გარდაცვალების მიზეზი გახდა თანმხლები დაავადებებიც კოვიდ 19-თან ერთად. პაციენტს დიალიზი უტარდებოდა, რადგან ჰქონდა თირკმელების ქრონიკული უკმარისობა, ასევე ჰქონდა შაქრიანი დიაბეტი. ეს პაციენტი ჩვენს კლინიკაში დაახლოებით 2 კვირის წინ შემოვიდა, მაშინ გამოხატული იყო სუნთქვის უკმარისობა, მკურნალობდა ინტენსიური თერაპიის პალატაში, პაციენტის მდგომარეობა გაუმჯობესდა, თუმცა მაინც რჩებოდა ორმხრივი პნევმონია. პაციენტი თერაპიულ განყოფილებაში გადაიყვანეს, იქ აგრძელებდა მკურნალობას და ორი დღის წინ კვლავ გამოიხატა სუნთქვის მოშლა. ამის გამო, ისევ დაბრუნდა ინტენსიური თერაპიის პალატაში. ამ დილით თავისი სუნთქვის კომპონენტი აღარ ჰყოფნიდა და რამდენიმე საათშიც გული გაჩერდა. დაფიქსირდა გარდაცვალების ფაქტი“,-განაცხადა გოფოძემ.

მისი თქმით, აღნიშნული პაციენტი 60 წლამდე ასაკის იყო.

როგორც ლევან გოფოძე განმარტავს, ეს 7 თვის განმავლობაში მესამე პაციენტია, რომელიც რესპუბლიკურ საავადმყოფოში გარდაიცვალა. მისი განმარტებით, ყველა შემთხვევაში პაციენტებს მძიმე თანმხლები დაავადებები ჰქონდათ.

„რაც უფრო მეტი შემთხვევა იქნება, მით მეტი შანსია იმისა, რომ მძიმე პაციენტები სხვადასხვა ასაკობრივ ჯგუფებში გამოჩნდება. თანმხლები დაავადებების მქონე პაციენტები კოვიდ ინფექციის მიმართ უფრო მოწყვლადები არიან და მათში ეს ინფექცია ბევრად უფრო მძიმედ მიმდინარეობს, ვიდრე სხვა პაციენტებში“,-განაცხადა გოფოძემ.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო