„ამნესტი ინტერნეიშენალი“ ინდოეთს ტოვებს
საერთაშორისო უფლებადამცველი ორგანიზაცია „ამნესტი ინტერნეიშენალი“ ინდოეთს ტოვებს.
როგორც მედია საშუალებები იუწყებიან, ინდოეთის მთავრობამ ორგანიზაციის ანგარიშები გაყინა, რამაც „ამნესტი ინტერნეიშენალი“ აიძულა, ქვეყანაში საკუთარი საქმიანობა შეეჩერებინა.
„ბოლო ორი წლის განმავლობაში „ამნესტი ინტერნეიშენალ ინდოეთის“ წინააღმდეგ განხორციელებული არაერთი თავდასხმა და საბანკო ანგარიშების სრული გაყინვა შემთხვევითი არ არის”, - განაცხადა „ამნესტი ინტერნეიშენალის“ ინდოეთის ოფისის აღმასრულებელმა დირექტორმა, ავინაშ კუმარმა.
მისივე თქმით, ორგანიზაცია ინდოეთში უსამართლობის წინააღმდეგ იბრძოდა და ადამიანის უფლებებს იცავდა.
