„ქართული ოცნების“ თავმჯდომარე ბიძინა ივანიშვილი ანსამბლ „ერისიონის“ სამხატვრო ხელმძღვანელს, ჯემალ ჭკუასელს იუბილეს ულოცავს. მისალოც წერილს ივანიშვილი სოციალურ ქსელში აქვეყნებს.
“ჩვენო საყვარელო, ბატონო ჯემალ, მე და ჩემი ოჯახი მთელი გულით გილოცავთ 85 წლის იუბილეს! ბედნიერებაა, პირადად იცნობდე ქართული კულტურის დიდ მოამაგესა და ქომაგს, თავისი საქმის ერთგულ, დაუღალავ კაცს, რომელმაც მთელი ცხოვრება მიუძღვნა ჩვენი ყველაზე დიდი საგანძურის - უნიკალური ქართული ფოლკლორის აღორძინებას. გისურვებთ ჯანმრთელობას და დიდხანს სიცოცხლეს.
დარწმუნებული ვარ, ამ კეთილშობილურ საქმეს, რომელსაც თქვენ ემსახურებით, თაობები დააფასებენ”, - წერს ბიძინა ივანიშვილი სოციალურ ქსელში.