დეპუტატი რევაზ არველაძე ქვეყანაში საგანგებო მდგომარეობის შემოღებას ითხოვს

პარლამენტის უმრავლესობის დეპუტატი რევაზ არველაძე ქვეყანაში კორონავირუსის გამო შექმნილი მდგომარეობიდან გამომდინარე, საგანგებო მდგომარეობის შემოღებას ითხოვს.

როგორც არველაძემ პარლმენტის პლენარულ სხდომაზე განაცხადა, საგანგებო მდგომარეობა არჩევნებამდე რამდენიმე დღით ადრე უნდა შეწყდეს.

„ვფიქრობ, უკეთესი იქნებოდა არ გაუქმებულიყო საგანგებო მდგომარეობა და შენარჩუნებულიყო კომენდანტის საათი, ვთქვათ, 22:00-დან 7:00 საათამდე ისეთი შეზღუდვებით, რომლის დროსაც ბიზნესის ზიანი მინიმალური იქნებოდა. არადა, ჩვენ გვახსოვს, რომ მარტში, როცა მაქსიმალურად 9 პირი სნეულდებოდა დღეში, შემოვიღეთ საგანგებო მდგომარეობა, ახლა კი სექტემბერში, სამჯერ მეტი დაინფიცირდა, ვიდრე თებერვალ-აგვისტოში მთლიანობაში. დღეისთვის დაავადებულთა დაოდენობა 13-ჯერ აღემატება იმას, რაც პირველი სექტემბრისთვის იყო. სექტემბრამდე სულ გარდაცვლილი იყო 19 ადამიანი, სექტემბერში კი 13 ადამიანი გარდაიცვალა. მდგომარეობა შემაშფოთებელია და მიმაჩნია, რომ კვლავ უნდა იქნას შემოღებული საგანგებო მდგომარეობა ისეთი შეზღუდვებით, რომელიც არ დააზარალებს ან ძალზე მცირედ დააზარალებს ბიზნესს. არჩევნებამდე რამდენიმე დღით ადრე უნდა შეწყდეს ეს საგანგებო მდგომარეობა, რათა არჩევნებმა ნორმალურად ჩაიაროს, შემდეგ სიტუაციის შესაბამისად ისევ აღდგეს ან არა. ვფიქრობ, არ უნდა დაველოდოთ როდის გაიზრდება დაავადებულთა რაოდენობის პროპორციულად სიკვდილიანობის მაჩვენებელი. მინდა ხაზგასმით ვთქვა, რომ ეს პირადად ჩემი აზრია და არ გახლავთ მმართველი გუნდის აზრი“, - განაცხადა არველაძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა