არსებული ინფორმაციით, წყალტუბოში, 17 წლის გოგოს მიმართ გარყვნილი ქმედების მცდელობაში ოჯახის ახლობელს ადანაშაულებენ

არსებული ინფორმაციით, წყალტუბოში, 17 წლის გოგოს მიმართ გარყვნილი ქმედების მცდელობაში ოჯახის ახლობელს ადანაშაულებენ. შემთხვევა რამდენიმე დღის წინ მოხდა.
მოზარდი ერთ-ერთი საჯარო სკოლის მოსწავლე, ამასთანავე მზრუნველობამოკლებულ მოზარდთა დღის ცენტრის ბენეფიციარია. ცენტრის დირექტორის თქმით, სავარაუდოდ, შემთხვევა ხუთი დღის წინ, ღამის საათებში მოხდა. მისი თქმით, დეტალებზე ვერ ისაუბრებს.
მოზარდთან მუშაობდნენ ფსიქოლოგები, მისი მდგომარეობა რთულია.
რაც შეეხება სავარაუდო მოძალადეს, დირექტორის ინფორმაციით, მასზე გამოწერილია შემაკავებელი ოქმი.
"სოციალურად დაუცველი ოჯახია. გავიგეთ, რომ ტყეში წაიყვანა ძალდატანებით. ნაკაწრები ჰქონდა სხეულზე. მინდა, რომ მოძალადე დააკავონ, არ მინდა ჩემი შვილები ასეთი ადამიანის გარემოში ცხოვრობდნენ. მოძალადე დაკავებული არ არის", -აცხადებს ერთ-ერთი ადგილობრივი.
შინაგან საქმეთა სამინისტროში ამ დროისთვის კომენტარს არ აკეთებენ და აცხადებენ, რომ საქმესთან დაკავშირებით ექსპერტიზის პასუხს ელოდებიან.

























