მამუკა მდინარაძის ინფორმაციით, „ნაცმოძრაობის“ ლიდერები ცდილობენ, ანაზღაურების სანაცვლოდ აქტივისტები დაგეგმილ პროვოკაციებში ჩართონ

საპარლამენტო უმრავლესობის ლიდერის, მამუკა მდინარაძის ინფორმაციით, „ნაციონალური მოძრაობის“ ლიდერები ცდილობენ, რომ გარკვეული ანაზღაურების სანაცვლოდ აქტივისტები დაგეგმილ პროვოკაციებში ჩართონ.

როგორც მდინარაძემ პრესკონფერენციაზე განაცხადა, „ნაციონალურ მოძრაობას“ გარკვეული პროვოკაციები ყველა რაიონში აქვს დაგეგმილი.

„მივიღე ინფორმაცია იმის შესახებ, რომ იმერეთში „ნაცმორაობის“ წევრებმა, რომლებიც პროვოკაციის ნაწილი უნდა ყოფილიყვნენ, უარი განუცხადეს თავის ხელმძღვანელობას პროვოკაციაში მონაწილეობაზე და ახლა „ნაცმოძრაობის“ ლიდერები ცდილობენ გარკვეული ანაზღაურების სანაცვლოდ, დაარწმუნონ თავისი წევრები, რომ პროვოკაციებში ჩაერთონ. ჩვენ გვაქვს ინფორმაცია, რომ „ნაცმოძრაობის“ ბევრი წევრი უკვე აცხადებს უარს ასეთ პროვოკაციებზე. მათ დაგეგმილი აქვთ ყველა რაიონში პროვოკაციების მოწყობა, თუმცა მათივე წევრები არ ემორჩილებიან და ახლა უკვე ცდილობენ, გარკვეული ანაზღაურების სანაცვლოდ დაარწმუნონ, რომ ამ პროვოკაციებში მონაწილეობა აუცილებელია. არ აქვს მნიშვნელობა ვისი მომხრე და აქტივისტია, მადლობას გადავუხდი ყველას, თუ რომელიმე ადამიანი პროვოკაციაში და დესტაბილიზაციაში მონაწილეობაზე უარს ამბობს“, - განაცხადა მდინარაძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა