ბრწყინვალე საუბარი შედგა ევროკავშირ-საქართველოს ასოცირების შეთანხმების შესაბამისად ურთიერთობების შემდგომი გააქტიურების შესახებ, - ამის შესახებ ევროპული საბჭოს პრეზიდენტი შარლ მიშელი სოციალურ ქსელ „ტვიტერის“ ოფიციალურ გვერდზე წერს.
შარლ მიშელი აღნიშნავს, რომ უცვლელი რჩება ევროკავშირის მხრიდან საქართველოს ტერიტორიული მთლიანობის მხარდაჭერა.
„მივესალმები საქართველოს პრემიერ-მინისტრ გიორგი გახარიას ვიზიტს ბრიუსელში. ბრწყინვალე საუბარი შედგა ევროკავშირ-საქართველოს ასოცირების შეთანხმების შესაბამისად ურთიერთობების შემდგომი გააქტიურების შესახებ. უცვლელი რჩება ევროკავშირის მხრიდან საქართველოს ტერიტორიული მთლიანობის მხარდაჭერა“,- აღნიშნავს ევროპული საბჭოს პრეზიდენტი.
ინფორმაციას მთავრობის ადმინისტრაცია ავრცელებს.