მარნეულში, „ქართული ოცნებისა“ და „ნაციონალური მოძრაობის“ აქტივისტები ერთმანეთს სიტყვიერად და ფიზიკურად კიდევ ერთხელ დაუპირისპირდნენ.
არსებული ინფორმაციით, დაპირისპირების შედეგად, რამდენიმე ადამიანი დაშავდა, მათ შორის არიან "ენმ"-ს აქტივისტები.
დაშავდნენ ტელეკომპანია "მთავარის" გადამღები ჯგუფის წევრებიც.
ასევე, საზოგადოებრივი მაუწყებლის ინფორმაციით, მარნეულში საქართველოს პირველი არხის გადამღები ჯგუფის კამერა დაამტვრიეს და ოპერატორს ფიზიკურად გაუსწორდნენ.
მომხდარის შედეგად, დაზიანებულია ავტომობილიც.
ადგილზე მივიდა სასწრაფო დახმარების ჯგუფი. დაპირისპირებულ მხარეებს შორის ვითარების განმუხტვას პოლიცია ცდილობს.