მარნეულის პოლიციაში დაპირისპირებაში მონაწილე პირების გამოკითხვა მთელი ღამის განმავლობაში მიმდინარეობდა.

სამართალდამცავებმა უკვე გამოკითხეს „ნაციონალური მოძრაობის“ წევრები და საზოგადოებრივი მაუწყებლის ოპერატორი, რომელსაც მისივე თქმით, დაპირისპირების დროს კამერა დაუზიანდა და ფიზიკური შეურაცხყოფა მიაყენეს.

ცნობისთვის, მარნეულში გუშინ მომხდარი დაპირისპირებისას დაშავდნენ „ნაციონალური მოძრაობის“ წარმომადგენლები. ფიზიკური შეურაცხყოფა მიაყენეს „მთავარი არხის“ ჟურნალისტს და „პირველი არხის“ ოპერატორს, ასევე დაუზიანეს კამერები. მომხდართან დაკავშირებით შინაგან საქმეთა სამინისტრომ გამოძიება ჯანმრთელობის დაზიანებისა და ჟურნალისტისთვის პროფესიულ საქმიანობაში უკანონოდ ხელის შეშლის მუხლებით დაიწყო.