გურჯაანში 51 წლის მამაკაცი დაჭრეს
გურჯაანში 51 წლის მამაკაცი ცეცხლსასროლი იარაღით დაჭრეს. შემთხვევა სოფელ ჭანდარში მოხდა. ადგილობრივების ინფორმაციით, მხარეებს შორის კონფლიქტი ყოფით ნიადაგზე დაიწყო და დაჭრით დასრულდა.
მამაკაცი გურჯაანის „ჯეო ჰოსპიტალსის“ კლინიკაშია მოთავსებული. ექიმის ინფორმაციით, მას შესაბამასი მკურნალობა უტარდება.
ბრალდებული პოლიციამ დააკავა.
გამოძიება სსკ-ის 117-ე მუხლით დაიწყო, მიმდინარეობს საგამოძიებო ღონისძიებები.
