აჭარის სოფლის მეურეობის მინისტრად გიორგი სურმანიძე დაინიშნა

აჭარის სოფლის მეურეობის მინისტრად გიორგი სურმანიძე დაინიშნა

აჭარის მთავრობის თავმჯდომარე თორნიკე რიჟვაძემ მთავრობის სახლში მიმდინარე სხდომაზე აჭარის სოფლის მეურნეობის მინისტრად გიორგი სურმანიძე დაასახელა. როგორც თორნიკე რიჟვაძემ განაცხადა, ყოფილი მინისტრი ტიტე აროშიძე წინასაარჩევნო კამპანიაში არის ჩართული.

თორნიკე რიჟვაძის თქმით, გიორგი სურმანიძეს სოფლის მეურნეობის მიმართულებით მუშაობის გამოცდილება აქვს, მას აჭარის მთავრობის თავმჯდომარემ უკვე პირველი დავალება მისცა.

„გიორგი სურმანიძე კიდევ უფრო გააძლიერებს სოფლის მეურნეობის დარგს, მას ეძლევა პირველი დავალება, რათა ნარინჯისფერი რთველის მართვა ეფექტურად მოხდეს. გიორგი სურმანიძე ბოლო პერიოდში ამერიკის შეერთებულ შტატებში იმყოფებოდა",- აცხადებს თორნიკე რიჟვაძე.