თეა ახვლედიანი - მისასალმებელია ფილმის „ცხინვალი 1920“-ის იდეის ავტორების ძალისხმევა, რაც სიმართლის წარმოჩენას ემსახურება

შერიგებისა და სამოქალაქო თანასწორობის საკითხებში სახელმწიფო მინისტრი, თეა ახვლედიანი დოკუმენტური ფილმის, „ცხინვალი 1920-ის" გადაღების იდეას ეხმაურება და ფილმის შემქმნელთა ინიციატივას - დოკუმენტურ წყაროებზე დაყრდნობით წარმოაჩინონ სიმართლე, მნიშვნელოვნად აფასებს. ამის შესახებ ინფორმაციას სახელმწიფო მინისტრის აპარატი ავრცელებს.

მინისტრის განცხადებით, კრემლის სამიზნეს სწორედ ჩვენი სახელმწიფოს და ხალხის ერთიანობა წარმოადგენს, შესაბამისად, განსაკუთრებით მნიშვნელოვანია სახელმწიფო სტრუქტურების, საზოგადოების, არასამთავრობო სექტორის, შესაბამისი დარგების ექსპერტებისა და მედიის კონსოლიდირებული მუშაობა დეზინფორმაციისა და პროპაგანდის წინააღმდეგ.

"დღეს მთელი დასავლური სამყარო, განსაკუთრებით კი ამ სივრცეში მყოფი პოსტ-სოციალისტური ქვეყნები, წარმოადგენს რუსეთის შენიღბული გავლენის გავრცელების აგრესიული პოლიტიკის სამიზნეს, რომლის განხორციელებისთვისაც ის „ჰიბრიდული ომის“ ინსტრუმენტთა ნაკრებს, მათ შორის, დეზინფორმაციას და პროპაგანდას აქტიურად იყენებს.

ისტორიის გაყალბებით, პოლიტიკური მითების და სტერეოტიპების დამკვიდრებით, ის ალტერნატიული ნარატივის და დესტრუქციული განწყობების შექმნას ისახავს მიზნად. ეს პოლიტიკა მიმართულია ხანგრძლივი განვითარების პროცესის შედეგად ჩამოყალიბებული დემოკრატიული ღირებულებების დაკნინებისკენ, რადიკალიზმის გაღრმავებასა და საზოგადოებებში პოლიტიკური და სოციალური ერთიანობის შესუსტებისკენ.

როგორც ცნობილია, საქართველოსთან მიმართებით რუსეთს არაერთხელ გამოუყენებია პროვოკაციული ქმედებების, სამხედრო აგრესიის თუ „ჰიბრიდული ომის“ წარმოების არსენალი, მანამდეც, სანამ ეს უკანასკნელი ტერმინი საერთაშორისოდ დამკვიდრდებოდა, რათა მიეღწია საქართველოს სუვერენიტეტის და დამოუკიდებლობის შელახვის, დემოკრატიული და ეკონომიკური განვითარების შეფერხების, ქვეყნის მიერ არჩეული ევროპული და ევროატლანტიკური ინტეგრაციის კურსის შეცვლის, ისევე, როგორც საქართველოში აფხაზური და ოსური საზოგადოებების შუღლის გაღვივების მიზნებისთვის.

ამის ერთ-ერთი უკანასკნელი ნათელი მაგალითი იყო ვლადიმერ პუტინის მიერ 2019 წელს გაკეთებული კომენტარი საქართველოში ე.წ. ოსების გენოციდის შესახებ.

რუსეთის მხრიდან ამგვარი, კარგად გააზრებული ქმედებების საწინააღმდეგოდ, საქართველოს ხელისუფლების ძალისხმევასთან ერთად, გადამწყვეტი მნიშვნელობა აქვს საქართველოს საზოგადოების წარმომადგენლების - მათ შორის, არასამთავრობო სექტორის, შესაბამისი დარგების ექსპერტების, მედიის კონსოლიდაციას, რადგან კრემლის სამიზნეს სწორედ ჩვენი სახელმწიფოს და ხალხის ერთიანობა წარმოადგენს.

ამ კონტექსტში, საქართველოში 1920 წელს მიმდინარე მოვლენების თაობაზე რუსეთის მიერ გავრცელებულ ცრუ ინფორმაციასთან დაკავშირებით ფილმის შემქმნელთა და ისტორიკოსთა ინიციატივა - დოკუმენტურ წყაროებზე დაყრდნობით წარმოაჩინონ სიმართლე და დაუპირისპირონ დეზინფორმაციას - მნიშვნელოვნად მიგვაჩნია. მისასალმებელია, რომ „ცხინვალი 1920“-ის იდეის ავტორების ძალისხმევა სწორედ ამ მიზანს ემსახურება," - აცხადებს თეა ახვლედიანი.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"