კახეთში კორონავირუსის 4 ახალი შემთხვევა დაფიქსირდა. მათ შორის ერთი თელავის მე-20 კადრირებული ბრიგადის ჯარისკაცია. რაც შეეხება დანარჩენ სამ შემთხვევას, PCR ტესტის კვლევით კორონავირუსი ყვარელში მცხოვრებ 70 წლის კაცს და ახმეტის მუნიციპალიტეტის სოფელ მატანში, ე.წ გორის ქორწილის კლასტერის ორ კონტაქტს დაუდასტურდა.

ყველა მათგანის ბიოლოგიურ ნიმუშებზე პასუხი ცოტა ხნის წინ გახდა ცნობილი.

ამ დროისთვის რეგიონში კი ლაბორატორიულად დადასტურებული 56 შემთხვევაა გამოვლენილი.