საქართველოში კორონავირუსის 326 ახალი შემთხვევიდან 8 ხობის მუნიციპალიტეტში გამოვლინდა. ინფიცირებულებს შორის ერთი მოსწავლეა.

საზოგადოებრივი ჯანდაცვის ადგილობრივი ცენტრის ინფორმაციით, ,,კოვიდ 19“ ძირითადად იმ მიკროავტობუსის მძღოლის კონტაქტებს დაუდგინდა, რომელიც ქარიატას საჯარო სკოლას ემსახურებოდა. მათივე ინფორმაციით, მიმდინარეობს ღრმა ეპიდემიოლოგიური კვლევა.

,,გვაქვს 8 ახალი შემთხვევა, აქედან 7 გუშინ, სოფელ ქარიატაში ინფიცირებული მიკროავტობუსის მძღოლის კონტაქტია, ერთი კი ახალსოფლის მკვიდრია. ძირითადად არიან მძღოლის ოჯახის წევრები, მეზობლები და ერთია სკოლის მოსწავლე. გრძელდება ღრმა ეპიდემიოლოგიური კვლევა, ჩატარდება ტესტირება. ჯერჯერობით თვითიზოლაციაში მყოფი პირების ზუსტი ციფრი არ ვიცით, რადგან დღეს კიდევ დაემატება“, - განუცხადა „ინტერპრესნიუსს“ საზოგადოებრივი ჯანდაცვის ხობის ცენტრის დირექტორმა შორენა საბახტარაშვილმა.