არჩილ თალაკვაძე - 2020 წლის არჩევნებს არსებითი მნიშვნელობა აქვს საქართველოსთვის - ჩვენ ვაცნობიერებთ პასუხისმგებლობას

2020 წლის არჩევნებს არსებითი მნიშვნელობა აქვს საქართველოსთვის. ჩვენ ვაცნობიერებთ პასუხისმგებლობას და მოწოდებულები ვართ ვაჩვენოთ მოსახლეობასა და საერთაშორისო პარტნიორებს, რომ საქართველო აგრძელებს დემოკრატიულ კონსოლიდაციას, - ამის შესახებ საქართველოს პარლამენტის თავმჯდომარე არჩილ თალაკვაძემ ვირტუალურ პრესკონფერენციაზე განაცხადა, რომელზეც არჩევნებში კეთილსინდისიერი მონაწილეობის შესახებ დათქმის პრეზენტაცია გაიმართა.

თალაკვაძის განცხადებით, საქართველო განვითარების ერთ-ერთ ყველაზე მნიშვნელოვან მომენტში დგამს თავდაჯერებულ ნაბიჯს დემოკრატიის გასაძლიერებლად.

„ჩვენს საზოგადოებასთან ერთად განვახორციელეთ ფუნდამენტური მნიშვნელობის დემოკრატიული რეფორმები ქვეყანაში. ჩვენ გვქონდა ცოცხალი პოლიტიკური დისკუსიები ამასთან დაკავშირებით, ასევე ძალიან მჭიდრო კონსულტაციები ჩვენს საერთაშორისო პარტნიორებთან და ინსტიტუციებთან, რომ დაგვესრულებინა მნიშვნელოვანი რეფორმების გატარება. თქვენ იცით, რომ საქართველო სრულად გადავიდა მმართველობის საპარლამენტო სისტემაზე, რაც იმას ნიშნავს, რომ ჩვენს მოსახლეობას აქვს უფრო ძლიერი დემოკრატიული კონტროლი ხელისუფლების ქმედებებზე და მოსახლეობას აქვს უკეთესი წვდომა ინფორმაციაზე, ასევე უფრო დიდი ნდობა და მნიშვნელოვანი ბერკეტი არჩევნების სახით რომ აირჩიოს წარმომადგენლები, დააკომპლექტოს მთავრობა და მონაწილეობა მიიღონ ქვეყნის მართვის პროცესში. ჩვენ, ასევე, განვახორციელეთ საარჩევნო სისტემის მნიშვნელოვანი რეფორმა. საქართველომ ისწავლა მნიშვნელოვანი გაკვეთილი თავისი ისტორიიდან და ვამაყობთ, რომ ჩვენი ხელისუფლების პირობებში, გავატარეთ ასეთი მნიშვნელოვანი რეფორმა და გადავედით არსებითად პროპორციულ საარჩევნო სისტემაზე. ეს არის საარჩევნო სისტემის მნიშვნელოვანი გაუმჯობესება. ასევე, შევცვალეთ პარტიების დაფინანსების სისტემა,“ - განაცხადა არჩილ თალაკვაძემ.

პატრიარქის სააღდგომო ეპისტოლე
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს