წლის ბოლომდე ფოთს განახლებული ავტოპარკი ექნება

ფოთის მუნიციპალიტეტში ავტოპარკის მშენებლობა აქტიურ ფაზაშია, -ამის შესახებ ინფორმაციას ფოთის მერია ავრცელებს.

მათივე ინფორმაციით, სრული ინფრასტრუქტურით აღჭურვილი პარკი, არსებულ ტრანსპორტთან ერთად, იმ ათ ახალ ავტობუსებს, მოემსახურება რომლებსაც ქალაქი მიმდინარე წელს ,,საქართველოს ურბანული ტრანსპორტის გაუმჯობესების პროგრამის“ ფარგლებში მიიღებს.

ამასთან, ახალი ავტოპარკის მშენებლობა და 10 ახალი ავტობუსის შემოყვანა ქალაქში გააუმჯობესებს საზოგადოებრივი ტრანსპორტით მომსახურების ხარისხს და ფოთელებისათვის ქალაქში გადაადგილებას უფრო კომფორტულს გახდის. ახალი ავტობუსები ასევე ადაპტირებული იქნება შეზღუდული შესაძლებლობების მქონე პირებისთვის.

,,ფოთში დღეს საზოგადოებრივი ტრანსპორტით სარგებლობა მოქალაქეებისთვის ნაკლებად მიმზიდველია მოძველებული ტრანსპორტის გამო. ავტოპარკის განახლების შემდეგ უფრო მეტი ადამიანი ისარგებლებს საჯარო ტრანსპორტით. ქალაქის ფუნქციონირებას და მოქალაქეების ცხოვრებას მნიშვნელოვნად აუმჯობესებს მოწესრიგებული საჯარო ტრანსპორტი როგორც სწრაფი, ეფექტიანი და იაფი გადაადგილების საშუალება”,- განაცხადა ფოთის მერმა გოჩა კურდღელიამ.

ქალაქში დაწყებულია ავარიული გზების რეაბილიტაცია. საგზაო ინფრასტრუქტურის მოწყობა 3 ქუჩაზე მიმდინარეობს, უახლოეს დღეებში კი, სარეაბილიტაციო სამუშაოები 12 ქუჩაზე დაიწყება, რომლის დასრულების შემდეგ მოსახლეობას კეთილმოწყობილი საგზაო ინფრასტრუქტურით სარგებლობის შესაძლებლობა ექნება. ყველაფერი ეს, ერთად, გააადვილებს გადაადგილებას და გააუმჯობესებს მუნიციპალური ტრასნპორტის მომსახურების ხარისხსაც.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს