ზესტაფონის მუნიციპალიტეტის სოფელ შროშაში მომხდარი ავარიის შედეგად ერთი ადამიანი გარდაიცვალა. ერთმანეთს მსუბუქი და სატვირთო ავტომობილები შეეჯახნენ. როგორც „ინტერპრესნიუსს“ შინაგან საქმეთა სამინისტროში განუცხადეს, გარდაცვლილია მსუბუქი ავტომობილის მძღოლი.
აღნიშნულ ფაქტზე გამოძიება სსკ-ის 276- ე მუხლის მე-6 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.