არჩილ თალაკვაძე - ვიცით, რომ კიდევ ბევრი ადამიანი რჩება პრობლემების პირისპირ, თუმცა გვყავს გამოცდილი გუნდი, გვაქვს ხედვა, თუ როგორ გავაგრძელოთ ქვეყნის განვითარება

პარლამენტის თავმჯდომარის, არჩილ თალაკვაძის განცხადებით, საქართველომ ბოლო წლების განმავლობაში დემოკრატიის გაძლიერების თვალსაზრისით ხელშესახები პროგრესი აჩვენა.

როგორც მან ჟურნალისტებს განუცხადა, ამის მაგალითია საკონსტიტუციო რეფორმა, ადამიანის უფლებათა დაცვის სრულფასოვანი სტანდარტი ქვეყანაში, მართლმსაჯულების რეფორმა და ა.შ.

არჩილ თალაკვაძის თქმით, „ქართულ ოცნებას“ გამოცდილი გუნდი ჰყავს და დღეს ქვეყანაში ბევრად უფრო ძლიერი დემოკრატიაა.

„საქართველომ ამ წლების განმავლობაში ხელშესახები პროგრესი აჩვენა დემოკრატიის გაძლიერების თვალსაზრისით, ეს არის საკონსტიტუციო რეფორმა, ადამიანის უფლებათა დაცვის უფრო მაღალი და სრულფასოვანი სტანდარტი ქვეყანაში. ეს არის მართლმსაჯულების და სასამართლოს რეფორმა, რომლის შემდეგაც 8-ჯერ შემცირდა საჩივრები ევროპის ადამიანის უფლებათა სასამართლოში ჩვენი ქვეყნიდან სახელმწიფოს წინააღმდეგ. ეს იყო საარჩევნო სისტემის ცვლილება, უფრო თავისუფალი გარემოს შექმნა მედიისთვის, პოლიტიკური პარტიებისთვის და ჩვენი მოქალაქეებისთვის, ვისაც ჰქონდა სურვილი, რომ უფრო მეტად მიეღო მონაწილეობა სახელმწიფოს მმართველობის პროცესში. ეს არის ძირითადად ის ცვლილებები, რაც აღიარებული და დადებითად შეფასებულია როგორც ევროკავშირის, ასევე ნატო-ს და ჩვენი მთავარი სტრატეგიული პარტნიორის აშშ-ის ანგარიშებში. რასაკვირველია, ჩვენ გვაქვს დღის წესრიგი, ვიცით, რომ კიდევ ბევრი ადამიანი რჩება პრობლემების პირისპირ ჩვენს ქვეყანაში, თუმცა, ჩვენ გვყავს გამოცდილი გუნდი, დღეს ბევრად უფრო ძლიერი დემოკრატია გვაქვს, ასევე გვაქვს ხედვა, თუ როგორ გავაგრძელოთ ჩვენი ქვეყნის განვითარება“,-განაცხადა თალაკვაძემ.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია