ბადრი ჯაფარიძე - სამწუხაროდ, უკვე წესად გადაიქცა, რომ წინასაარჩევნოდ ოპოზიციური პარტიების წევრებსა და მხარდამჭერებზე ხდება თავდასხმა

პარტია "ლელო საქართველოსთვის" ლიდერის ბადრი ჯაფარიძის განცხადებით, ხელისუფლებამ უნდა გამოიძიოს ბოლნისისა და მარნეულის ინციდენტებში მონაწილე ყველა დამნაშავე და ყველამ აგოს პასუხი კანონის წინაშე.

მისი თქმით, ძალადობა წესად გადაიქცა.

"ფაქტია, რომ ბოლო ხანებში ძალიან გახშირდა ძალადობის ფაქტები. სამწუხაროდ, გამონაკლისი არ არის "ლელო". ჩვენს წევრებზეც იყო რამდენიმე თავდასხმა. სამწუხაროდ, ეს უკვე წესად გადაიქცა, რომ წინასაარჩევნოდ ხდება თავდასხმა ოპოზიციური პარტიების წევრებსა და მათ მხარდამჭერებზე. ჩვენ ყველა ეს შემთხვევა უნდა ვამხილოთ, უნდა მოვითხოვოთ ხელისუფლებისგან, რომ ეს შემთხვევები იყოს გამოძიებული. გუშინდელი ამაზრზენი თავდასხმა ბოლომდე უნდა იყოს გამოძიებული და ყველა დამნაშავე დაისაჯოს. მხოლოდ ამის შემდგომ გვექნება საშუალება ვთქვათ, რომ ხელისუფლებამ მოახდინა სწორი რეაგირება ყოვლად დაუშვებელ ძალადობის ფაქტზე, ჟურნალისტთან და ასევე ოპოზიციის მხარდამჭერებთან მიმართებაში. ეს უნდა აღმოიფხვრას და დასრულდეს იმისთვის, რომ გვქონდეს ნორმალური საარჩევნო გარემო და არჩევნები მშვიდად ჩავატაროთ. სხვა შემთხვევაში ესკალაცია საზოგადოების კიდევ უფრო პოლარიზაციას გამოიწვევს. ეს ყოვლად დაუშვებელია. ამიტომ, ხელისუფლებისგან კატეგორიულად მოვითხოვთ ბოლნისისა და მარნეულის ინციდენტებში მონაწილე ყველა დამნაშავემ აგოს პასუხი კანონის წინაშე", - განაცხადა ბადრი ჯაფარიძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა