ქვეყანაში ის ოცნება ვერ ახდა, რაც იყო 8 წლის წინ, - ასე აფასებს "ლელო საქართველოსთვის" ერთ-ერთი ლიდერი დავით უსუფაშვილი "ქართული ოცნების" 8 წლიან მმართველობას.

მისი თქმით," 8 წლის მერე ოცნებები აღარ მუშაობს".

"ქვეყანაში ის ოცნება ვერ ახდა, რაც იყო 8 წლის წინ. ამას ვერანაირი პროგრამა და ტრიუკები ვეღარ უშველის", - განაცხადა დავით უსუფაშვილმა.

ცნობისთვის, პოლიტიკურმა გაერთიანებამ "ლელო საქართველოსთვის" დღეს პარტიის საარჩევნო სია წარადგინა.

როგორც პარტიული სიის წარდგენისას „ლელოს“ დამფუძნებელმა მამუკა ხაზარაძემ განაცხადა, გუნდი, რომელიც „ლელომ“ წარადგინა, მზადაა „ხალხთან ერთად და ხალხისთვის“ იბრძოლოს ძირფესვიანი ცვლილებებისთვის საქართველოში.