აშშ-ის პრეზიდენტის დონალდ ტრამპის საარჩევნო კამპანიის ყოფილი მენეჯერი ბრედ პარსკეილი წინასაარჩევნო კამპანიას ტოვებს, - ამის შესახებ ინფორმაციას Reuters-ი ავრცელებს.
ბრედ პარსკეილმა განაცხადა, რომ წინასაარჩევნო კამპანიის დატოვების გადაწყვეტილება საუთარი თავისა და ოჯახის „უზარმაზარი სტრესისგან“ თავის დასაღწევად მიიღო.
ცნობისათვის, რამდენიმე დღის წინ გავრცელდა ინფორმაცია, რომ პოლიციამ პარსკეილი საკუთარ სახლში დააკავა. სამართალდამცავები დონალდ ტრამპის საარჩევნო შტაბის ყოფილი მენეჯერის სახლში მას შემდეგ მივიდნენ, რაც ბრედ პარსკეილის მეუღლისგან მიიღეს შეტყობინება, რომ იგი საკუთარი თავისთვის დაზიანების მიყენებას აპირებდა.
შეგახსენებთ, ზაფხულში პარსკეილი წინასაარჩევნო შტაბის ხელმძღვანელის თანამდებობას ჩამოაშორეს, თუმცა იგი წინასაარჩევნო კამპანიის ფარგლებში ციფრულ და მონაცემთა სტრატეგიასთან დაკავშირებულ საკითხებზე მუშაობას განაგრძობდა.