რუსთავის ,,ცხელების ცენტრში“, კორონავირუსი 90 წლის ქალს დაუდასტურდა
რუსთავის ცენტრალური საავადმყოფოს „ცხელების ცენტრში“, კორონავირუსი 90 წლის ქალს დაუდასტურდა.
როგორც „ინტერპრესნიუსთან“ საუბარში ,,ცხელების ცენტრის“ ეპიდემიოლოგმა მაია რაზმაძემ განაცხადა, მანამდე ,,კოვიდ 19“ ასაკოვანი ქალის ოჯახის წევრს აღმოაჩნდა. ის თვითიზოლაციაში იმყოფებოდა და ტესტირების შედეგად კორონავირუსი მასაც დაუდასტურდა.
ინფიცირებული ქალი ,,ცხელების ცენტრიდან“, თბილისის კოვიდმიმღებ კლინიკაში გადაიყვანეს.
ამ დროისთვის, რუსთავის ,,ცხელების ცენტრში“ 5 პაციენტია მოთავსებული. ხუთივე სასწრაფო სამედიცინო დახმარების ეკიპაჟებმა ,,ცხელების ცენტრში“ ბინიდან გადაიყვანა. პაციენტებს კვლევის მიზნით ბიოლოგიური მასალა უკვე აუღეს, პასუხები დღის განმავლობაში გახდება ცნობილი.
