საქართველოში კორონავირუსის 448 ახალი შემთხვევიდან 7 გურიაში გამოვლინდა. სახელმწიფო რწმუნებულის ზურაბ ნასარაიას ინფორმაციით, ,,კოვიდ 19“ ძირითადად სოფელ ლაითურში დაფიქსირდა. მისივე თქმით, რეგიონში მიზნობრივი და გეგმური ტესტირება გრძელდება.
„ამ დილის მონაცემებით გვაქვს 7 ახალი შემთხვევა. ყველა ლაითურის მცხოვრებია და ისინი აქამდე თვითიზოლაციაში იმყოფებოდნენ. ამ სოფელში კვლავ შეზღუდულია გადაადგილება, ფუნქციონირებს ბლოკ პოსტი. მიმდინარეობს გეგმური და მიზნობრივი ტესტირება. გრძელდება ეპიდემიოლოგიური კვლევები“, - განუცხადა“ინტერპრესნიუსს“ ზურაბ ნასარაიამ
ამასთან, მისივე ინფორმაციით, გურიის რეგიონში ამ დროისთვის კორონავირუსით ინფიცირების 150-მდე შემთხვევაა გამოვლენილი, გამოჯანმრთელებულია 43 პირი.