მთიანი ყარაბაღის თავდაცვის არმიის ნაწილებმა აზერბაიჯანის საბრძოლო ვერტმფრენი ჩამოაგდეს, რომელიც ირანის ტერიტორიაზე, კერძოდ კი ვარაზატუმბში, დაეცა, - ამის შესახებ ინფორმაციას სომხური მედია ავრცელებს.
როგორც არაღიარებული თავდაცვის არმიის წარმომადგენლებმა NEWS.am-თან საუბარში განაცხადეს, ეს ფაქტი გამიზნულად არ მომხდარა.
„ეს გამიზნულად არ მომხდარა, საბრძოლო მოქმედებები ირანის საზღვართან ძალიან ახლოს მიმდინარეობს და სამწუხაროდ, ასეთი შემთხვევები გარდაუვალია,“- აცხადებენ არაღიარებულ თავდაცვის არმიაში.