ბათუმის რესპუბლიკურ საავადმყოფოში კორონავირუსით ინფიცირებული 150 პაციენტიდან 24 რეანიმაციულ განყოფილებაში იმყოფება. როგორც კლინიკის ექიმი გია კიკაბიძე აცხადებს, 6 პაციენტის მდგომარეობა კრიტიკულად მძიმეა.
ექიმის თქმით, სხვა პაციენტების ჯანმრთელობის მდგომარეობა სტაბილურია.
"კლინიკაში 150 პაციენტია. რეანიმაციულ განყოფილებაში არის 24, აქედან 6 პაციენტი მძიმეა, ხოლო 7 ადამიანი მუდმივ რეჟიმში ღებულობს ჟანგბადს. „ცხელების ცენტრში“ რეანიმაციული საწოლების დამატება იგეგმება. დღეს საკარანტინო ზონაში 7 პაციენტი გადავა, სამი კი გამოჯანმრთელდა, შესაბამისად, 10 ადგილი გათავისუფლდება",- აცხადებს კიკაბიძე.