ირაკლი ჩიქოვანი - „ქართული ოცნების“ არჩევის შემდგომ 8 წელი არის მშვიდობიანი განვითარების 8 წელი

2012 წლის 1 ოქტომბერი იყო ქართველი ხალხის არჩევანი დემოკრატიის, ადამიანის უფლებებისა და ღირსების დაცვის, მშვიდობიანი და მდგრადი განვითარების სასარგებლოდ,- ასე ეხმაურება ,,ქართული ოცნების“ ზუგდიდის მაჟორიტარი დეპუტატობის კანდიდატი, ირაკლი ჩიქოვანი 8 წლის წინ ,,ქართული ოცნების“ საპარლამენტო არჩევნებში გამარჯვების თარიღს და აცხადებს, რომ ამის შემდეგ ქვეყანაში მნიშვნელოვანი ცვლილებები დაიწყო. მისი განცხადებით, 2012 წლის 1 ოქტომბერს ,,ქართულმა ოცნებამ“ ბიძინა ივანიშვილის თაოსნობით ტოტალური წნეხის, შანტაჟის, დაშინების, დევნის, ერთი პარტიისთვის მორგებული საარჩევნო პრივილეგიების მიუხედავად, შეძლო გამარჯვება.

„8 წლის წინ, 2012 წლის 1 ოქტომბრის საპარლამენტო არჩევნებში „ქართული ოცნების” გამარჯვებით ჩვენს ქვეყანაში გარდამტეხი ცვლილებები დაიწყო. ბიძინა ივანიშვილის თაოსნობით „ქართულმა ოცნებამ” შეძლო და დაამარცხა ძალადობრივი რეჟიმი. მაშინ ოპოზიციამ, ტოტალური წნეხის, შანტაჟის, დაშინების, დევნის, ერთი პარტიისთვის მორგებული საარჩევნო პრივილეგიების მიუხედავად შეძლო გამარჯვება.

2012 წლის 1 ოქტომბერი იყო ქართველი ხალხის არჩევანი დემოკრატიის, ადამიანის უფლებებისა და ღირსების დაცვის, მშვიდობიანი და მდგრადი განვითარების სასარგებლოდ.

დღეს ჩვენი საერთო მიზანია, ამ ქვეყნის თითოეულმა მოქალაქემ, საკუთარი პოზიციიდან შეძლოს მონაწილეობა საერთო წარმატების შექმნაში და ქვეყნის განვითარების სასარგებლოდ გაკეთებული ჩვენი საერთო არჩევანის შემდგომ რეალიზებაში.

დღეს პრიორიტეტია მოქალაქის ჯანმრთელობის დაცვა და მისი სოციალური უზრუნველყოფა. საყოველთაო ჯანდაცვის რეფორმა, რომელიც ყველა მოქალაქის სიცოცხლესა და ჯანმრთელობას ემსახურება - უმნიშვნელოვანესი ნაბიჯია უფრო სამართლიანი და დაცული საზოგადოებისკენ სწრაფვის გზაზე.

„ქართული ოცნების“ ხელისუფლებამ შეძლო უმნიშვნელოვანესი საკანონმდებლო და პოლიტიკური რეფორმების გატარება - ახალი კონსტიტუციის მიღება, ქვეყნის ქცევა ევროპული ტიპის საპარლამენტო რესპუბლიკად და საარჩევნო რეფორმის უზრუნველყოფა - რაც ვერც ერთმა წინამორბედმა ხელისუფლებამ ვერ შეძლო.

8 წლის მანძილზე საქართველომ მნიშვნელოვან წარმატებებს მიაღწია საგარეო ურთიერთობებში: გაღრმავდა სტრატეგიული თანამშრომლობა აშშ-სთან, ევროკავშირთან და ნატოსთან თანამშრომლობის უმაღლეს ნიშნულს მივაღწიეთ. გაიზარდა ქვეყნის თავდაცვისუნარიანობა, საერთაშორისო ცნობადობა და პოლიტიკური პრესტიჟი, გაუმჯობესდა ქვეყნის უსაფრთხოებისა და სტაბილურობის ხარისხი.

ჩვენ ყოველწლიურად ვუახლოებთ ევროპულ სივრცეს, ჩვენი უმთავრესი ღირებულება არის ადამიანზე ზრუნვა და ეკონომიკური და პოლიტიკური განვითარების მორგება ჩვენი მოქალაქეების კეთილდღეობაზე.

„ქართული ოცნების“ არჩევის შემდგომ 8 წელი არის მშვიდობიანი განვითარების 8 წელი პასუხისმგებლიანი საგარეო პოლიტიკით, ქვეყნისათვის დაძაბულობისა და კონფლიქტების არიდებით, საქართველოს დეოკუპაციისკენ მიმართული გამოკვეთილი ძალისხმევით და პრინციპული პოზიციით - რომ საქართველოს ოკუპაციას არასდროს შევეგუებით და ტერიტორიული მთლიანობის აღდგენას ვაპირებთ მხოლოდ სამშვიდობო პროცესით, საერთაშორისო მხარდაჭერითა და ქვეყნის კეთილდღეობისა და განვითარების შეთავაზებით ჩვენი აფხაზი და ოსი თანამოქალაქეებისთვის.

ჩემთვის, როგორც „ქართული ოცნების“ ერთ-ერთი წარმომადგენლისთვის ეს თარიღი ორმაგად მნიშვნელოვანია, ვინაიდან 2012 წელს, ბიძინა ივანიშვილის თაოსნობით შევედით ამ ბრძოლაში, ყველაზე ცხელ წერტილში, ზუგდიდში „ქართული ოცნების“ საარჩევნო შტაბს ვხელმძღვანელობდი და ეს იყო უდიდესი გამოწვევა. ვიცოდით რომ ეს არ იყო ადვილი, ვიცოდით სად მივდიოდით და რა წინააღმდეგობებიც გველოდა.

დღეს, ამ გამარჯვებიდან რვა წლის შემდეგ, არის პრობლემები და საჭიროებები, რომელთა თანმიმდევრული მოგვარება, მხოლოდ „ქართულ ოცნებას“ შეუძლია, ეს პოლიტიკური ძალა დღესაც უალტერნატივოა. ჩვენ აუცილებლად გავიმარჯვებთ - ერთად საქართველოს წარმატებისთვის!”, - წერს ირაკლი ჩიქოვანი.

აღნიშნულ ინფორმაციას „ქართული ოცნების“ პრესსამსახური ავრცელებს.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)