დავით ზალკალიანი - პრაქტიკული თანამშრომლობა, რომელიც გვაქვს ნატოსთან, განსაკუთრებით აქტუალურია შავი ზღვის მიმართულებით

საქართველოს საგარეო საქმეთა მინისტრის, დავით ზალკალიანის განცხადებით, პრემიერ-მინისტრ გიორგი გახარიას ბრიუსელში ვიზიტის ფარგლებში, განსაკუთრებული ყურადღება შავი ზღვის უსაფრთხოების საკითხს დაეთმო. ამის შესახებ „ინტერპრესნიუსს“ საგარეო საქმეთა სამინისტროდან აცნობეს.

„შავი ზღვა მართლაც სულ უფრო და უფრო მეტ დატვირთვას იძენს საქართველოსთან თანამშრომლობის კუთხით. სწორედ ის პრაქტიკული თანამშრომლობა, რომელიც ჩვენ გვაქვს ნატოსთან, განსაკუთრებით აქტუალურია შავი ზღვის მიმართულებით. ძალიან მნიშვნელოვანია არსებული პრაქტიკული ინსტრუმენტები და ასევე, ერთობლივი ნატო-საქართველოს პაკეტის განახლება, თავისი ფორმით და მასშტაბებით, რაც დღეს დღის წესრიგში დგას", - აღნიშნა ზალკალიანმა.

საგარეო უწყების ხელმძღვანელმა აღნიშნა, რომ სამომავლოდ გახშირდება საქართველოს პორტებში ნატო-ს ხომალდების შემოსვლა, გახშირდება ასევე წვრთნები და ინფორმაციის გაცვლა ნატო-ელ პარტნიორებთან, რაც ნატო-საქართველოს თანამშრომლობის ძირითად მიმართულებებს წარმოადგენს.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა