ევროპარლამენტი პლენარულ სესიაზე, რომელიც 5 ოქტომბერს იხსნება, მთიანი ყარაბაღის კონფლიქტის შესახებ იმსჯელებს.
ევროპარლამენტის გვერდზე გამოქვეყნებული დღის წესრიგის თანახმად, ევროპარლამენტარები 7 ოქტომბერს მოიწვევენ ევროკავშირის უმაღლეს კომისარს საგარეო და უსაფრთხოების საკითხებში ჟოზეპ ბორელს სომხეთსა და აზერბაიჯანს შორის მთიან ყარაბაღში დაპირისპირების განახლების შესახებ სასაუბროდ.
ცნობისთვის, დაპირისპირება აზერბაიჯანსა და სომხეთს შორის 27 სექტემბერს დაიწყო.