ჯაბა ჯიშკარიანი - როგორც მიშას ვარდები დაჭკნა, ასევე დაჭკნა და გაუფერულდა ოცნებები, რომელიც 2012 წლამდე წარმოებულმა ბრძოლებმა და 2012 წლის პირველმა ოქტომბერმა მოიტანა

თბილისის საკრებულოს დამოუკიდებელი დეპუტატი ჯაბა ჯიშკარიანი 1-ელ ოქტომბერთან დაკავშირებით განცხადებას ავრცელებს.

მისი შეფასებით, დაჭკნა და გაუფერულდა ოცნებები, რომელიც 2012 წლამდე წარმოებულმა ბრძოლებმა და 2012 წლის 1-მა ოქტომბერმა მოიტანა.

„1 ოქტომბერი, დღე როდესაც ხალხმა მოძალადე რეჟიმზე გაიმარჯვა! ქართველი ხალხი გავერთიანდით ერთი იდეის გარშემო - სწრაფვა თავისუფლებისა და დემოკრატიისაკენ.

1 ოქტომბერი, დღე, რომელმაც შეცვალა რეალობა და მშვიდობიანი გზით შეიცვალა ჩვენს ქვეყანაში ხელისუფლება. 2012 წელს, გადავშალეთ ისტორიის ახალი ფურცელი - ბევრი ემოციით, იმედებითა და მოლოდინებით.

შემდეგ დაიწყო კოჰაბიტაცია მოძალადეებთან, წინა ხელისუფლების ჯალათებთან. შემდეგ მათი პორტირება პარტიაში , „ქართული ოცნების" წევრები გახდნენ ადამიანები, რომელთაც ბოლო დღემდე-2012 წლის 1 ოქტომბერსაც კი მაისურები ეცვათ 5 ნომრით...

ბიძინა ივანიშვილმა მოახერხა და ომი დაიწყო ჩვენს წინააღმდეგ, იმ ძველ ბრძოლებში მონაწილეების წინააღმდეგ, რომელთაც რეჟიმთან ბრძოლა ბევრად უფრო ადრე დავიწყეთ, ვიდრე 2012 დადგებოდა და ბიძინა ივანიშვილი გამოჩნდებოდა.

ივანიშვილს გვერდით აღარ უნდოდა სიმართლის მთქმელი და დაპირებების მომთხოვნი ადამიანები, მას კომფორტს უქმნიდნენ და უქმნიან საკუთარ წარსულს ზურგშექცეული, პორტირებული, მიშას ტაშისმკვრელი, მოძალადე ადამიანები - გადმობარგებული, უმორალო და უპრინციპო პირები.

ნაცვლად ქართული ოცნების ახდენისა, ბიძინა ივანიშვილმა ქართველ ხალხს ყველა იმედი და მოლოდინი გაუცრუა, ის იმედი, რაც მან 1 ოქტომბერს საზოგადოებას, თითოეულ ჩვენგანს ჩაგვისახა, მოგვიანებით თავადვე გაანადგურა.

მეცხრე მოწვევის პარლამენტმა სასამართლო არ იხსნა ე.წ. „კლანისგან", კი არ იხსნა, არამედ პირიქით, კიდევ უფრო გააძლიერა, დააწინაურა და გაუხსნა ყველა კარი იმისათვის, რომ „კლანმა" განაგრძოს ისევ ისეთი უსამართლო სასამართლო სისტემის გაზრდა, როგორც ამას დღემდე აკეთებს.

როგორც მიშას ვარდები დაჭკნა, ასევე დაჭკნა და გაუფერულდა ოცნებები, რომელიც 2012 წლამდე წარმოებულმა ბრძოლებმა და 2012 წლის 1-მა ოქტომბერმა მოიტანა.

დღეს, ჩვენ ვართ ისეთი ძლიერები, როგორც არასდროს! ჩვენი ძალა და სიძლიერე ზნეობასა და მორალშია! და მჯერა, რომ ჩვენი საქართველო გადამწყვეტ, მკაფიო სიტყვას აუცილებლად იტყვის 31 ოქტომბერს და დავამთავრებთ იმ აღვირახსნილობას, რაც ქვეყანაში ხდება.

პ.ს. ბიძინა ივანიშვილის ორმაგი სტანდარტი: უტოპიაა, ერთი ხელით ებრძვის „ნაციონალურ მოძრაობას", ხოლო მეორე ხელით „ნაციონალური მოძრაობის" შემომწირველებითა და მსახურებით ავსებს „ქართულს ოცნებას" ,- აცხადებს ჯიშკარიანი.

ინფორმაციას პრესსამსახური ავრცელებს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!