ბათუმში უხვი ნალექის შედეგად მიყენებული ზარალის დათვლა მიმდინარეობს ,- ამის შესახებ ბათუმის მერის მოვალეობის შემსრულებელმა არჩილ ჩიქოვანმა განაცხადა.
მისი თქმით, მოქალაქეების მხრიდან ცხელ ხაზზე შემოსულ თითოეულ ზარს შეისწავლიან.
"უხვი ნალექის შედეგად ბათუმისა და მიმდებარე ტერიტორიებზე მდინარეების ადიდება მოხდა, რამაც კალაპოტიდან მდინარის გადმოსვლა გამოიწვია, ასევე სანიაღვრე არხებით, ქუჩები დაიტბორა. ძირითადად საგზაო ინფრასტრუქტურა დაიტბორა.
მერიის შესაბამისი სამსახურები ადგილზე იმყოფებიან. ჩვენთან ერთად მუშაობენ შინაგან საქმეთა სამინისტრო შესაბამისი სამსახურები.
მიმდინარეობს ზარალის დათვლა, რომელიც ცხელ ხაზზე დაფიქსირდა. ყველა მათგანზე რეაგირება იქნება“, - განაცხადა არჩილ ჩიქოვანმა.