აჭარის სამაშველო სამსახურის უფროსი - სამუშაოებს ართულებს უგზოობა, რადგან მძიმე ტექნიკა ვერ მოდის ადგილზე - ამ წუთებში დაახლოებით, 60-მდე მეხანძრე-მაშველი მუშაობს

აჭარის სამაშველო სამსახურის უფროსის, ჯუმბერ ბათაძის ინფორმაციით, ამ წუთებში ხელვაჩაურში, სოფელ ჯოჭოში სამძებრო სამუშაოებში 60-მდე მეხანძრე მაშველია ჩართული.

მისივე თქმით, ამასთან, შესაბამისი სამძებრო აღჭურვილობის მქონე დამატებითი სამაშველო ჯგუფები წამოსულია თბილისიდან, გურიიდან, იმერეთიდან და სამეგრელოდან.

„ამ წუთებში დაახლოებით 60-მდე მეხანძრე მაშველი მუშაობს და ნიჩბებით ასუფთავებენ მოყოლებული ქვემოდან, ყველაზე ბოლო წერტილიდან, სადაც წყლის მიერ სახლის ნანგრევი ფრაგმენტები არის ჩატანილი. ასევე, წასულია 10 კაციანი ჯგუფი იქ, სადაც უშუალოდ მდინარე გადმოედინება, არხი უნდა გადაჭრან, რომ მდინარეს შეუცვალონ დინება.

ასევე წამოსულია თბილისიდან, გურიიდან, იმერეთიდან, სამეგრელოდან ჯგუფები, თითო დანაყოფიდან 60 კაცამდე ყველანაირი აღჭურვილობით სამძებრო სამუშაოებით, რომლებიც სადღაც 20 წუთში იქნებიან ბათუმში“, - აღნიშნა ჯუმბერ ბათაძემ.

მან ასევე ისაუბრა აჭარის ტერიტორიაზე უხვი ნალექის გამო შექმნილ პრობლემებზე.

„სამუშაოები გაგრძელდება იქამდე, ვიდრე, ყველა დაკარგულს არ ვიპოვით, ყველაზე მეტად სამუშაოებს ართულებს უგზოობა, რადგან მძიმე ტექნიკა ვერ მოდის შესაბამის ადგილზე და გზა თითქმის ყველა მიმართულებიდან ჩაკეტილია“, - განაცხადა ჯუმბერ ბათაძემ.

ცნობისთვის, შსს-ს საგანგებო სიტუაციების მართვის სამსახურის ინფორმაციით, ხელვაჩაურში მეწყერმა სახლი წაიღო, სადაც მოქალაქეები იმყოფებოდნენ და მათი სამძებრო სამუშაოები მიმდინარეობს.

ასევე, ადგილობრივების თქმით, მეწყერის ქვეშ არის მოყოლილი ავტომობილი, რომელიც სახლის მიმდებარედ, გზაზე გადაადგილდებოდა.

ადგილობრივების ინფორმაციით, მეწყერის ქვეშ მოყოლილია სულ 5 ადამიანი. მათ შორის 3 საცხოვრებელ სახლში იმყოფებოდა, 2 კი ავტომობილში.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო