ბათუმის მერიის ინფორმაციით, სტიქიის შედეგად დაზარალებული ოჯახები სასტუმროებში არიან გადაყვანილი

ბათუმის მერიაში სტიქიურ მოვლენებთან დაკავშირებით ბათუმის მერის მოვალეობის შემსრულებელმა არჩილ ჩიქოვანმა საგანგებო თათბირი გამართა. ამის შესახებ „ინტერპრესნიუსს“ ბათუმის მერიიდან აცნობეს. მათი ინფორმაციით, ბათუმში მოსული უხვი ნალექის გამო სტიქიური მოვლენები განვითარდა, რამაც ზღვაში გამსვლელი სანიაღვრე არხებისა და ფერიისა და მეჯინისწყლის მდინარეების ადიდება გამოიწვია.

თამარის დასახლებაში, მდინარე ყოროლისწყლის ადიდების შედეგად, რამდენიმე მონაკვეთზე მიწა ჩამოიშალა, ასევე მეწყრული პროცესები განვითარდა კახაბრის ადმინისტრაციულ ერთეულშიც.

„დაზარალებული ოჯახები გადაყვანილები არიან სასტუმროებში. ბათუმის მერიის სამსახურები მთელი ღამის განმავლობაში საგანგებო რეჟიმში მუშაობდნენ. მიმდინარეობდა ამოტუმბვითი სამუშაოები. ბათუმის მუნიციპალური სერვისცენტრების მენეჯერები უწყვეტ რეჟიმში ახორციელებდნენ მონიტორინგსა და ზარალის აღრიცხვას, რის შემდეგაც დაზარალებულ ოჯახებს ერთჯერადი მატერიალური დახმარება გაეწევათ.

დილიდან დაიწყო ქუჩების, კერძო და მრავალბინიანი ეზოების შლამისა და ტალახისგან გაწმენდის და მორეცხვის სამუშაოები, რომელსაც სანდასუფთავებისა და გამწვანების სამსახურები ახორციელებენ. დაწყებულია დაზიანებული გზების, ქვაფენილისა და ბორდიურების აღდგენითი სამუშაოები“,-აღნიშნულია ინფორმაციაში.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა