ფოთის კოვიდკლინიკაში მკურნალობის კურსს 23 ინფიცირებული პაციენტი გადის. ჰოსპიტალის დირექტორის, თეა მიგინეიშვილის ინფორმაციით, მათი მდგომარეობა საშუალო სიმძიმისაა.

მისივე თქმით, დღეს კლინიკა ერთმა გამოჯანმრთელებულმა პაციენტმა დატოვა.

„ჩვენთან 23 კოვიდპაციენტი გადის მკურნალობას. მათი მდგომარეობა საშუალო სიმძიმისაა, აღენიშნებათ პნევმონია. ერთი სრულიად გამოჯანმრთელებული გაეწერა ბინაზე. სამი მსუბუქი სიმპტომატიკით, კოვიდკარანტინში გადავიდა“, - განაცხადა თეა მიგინეიშვილმა.

შეგახსენებთ, გუშინ ფოთის კოვიდ კლინიკა 11-მა გამოჯანმრთელებულმა პაციენტმა დატოვა.