ხელვაჩაურში, ექვსი სოფლის მიმართულებით დამეწყრილი გზების გაწმენდითი სამუშაოები მიმდინარეობს.

როგორც აჭარის საავტომობილო გზების დეპარტამენტში აცხადებენ, გვიან ღამით მოსულმა უხვმა ნალექმა ხულოსა და ხელვაჩაურის მუნიციპალიტეტებს პრობლემები შეუქმნა.

„გვიან ღამით ძლიერი წვიმის შედეგად ხელვაჩაურისა და ხულოს მუნიციპალიტეტის რამდენიმე სოფლის საავტომობილო გზაზე განვითარდა მეწყრული პროცესი. აჭარის საავტომობილო გზების დეპარტამენტის ტექნიკა ორივე მუნიციპალიტეტში გაწმენდით სამუშაოებს ინტენსიურად ახორციელებს.

ხელვაჩაურის მუნიციპალიტეტში ათი მიმართულებიდან ოთხი მიმართულება უკვე გაწმენდილია.

ამ ეტაპზე მიმდინარეობს ერგე-ქვედა ჯოჭოს, სამების, ახალშენსა და კაპრეშუმი-ორთაბათუმის საავტომობილო გზაზე გაწმენდითი სამუშაოები.

ხულოს მუნიციპალიტეტში ხუთი მიმართულებიდან ორი მიმართულება უკვე გაწმენდილია.

დარჩენილია მხოლოდ ვაშლოვანი-შურმულის, საციხური პანტნარი, ხულო-უჩხო და ხიხაძირი-ბაკოს საავტომობილო გზა.

აღნიშნულ მონაკვეთებზე საავტომობილო მოძრაობა უახლოეს პერიოდში აღდგება",- აცხადებენ უწყებაში.