გია ხუხაშვილი - სიის ფორმირების პრინციპი „ლელოში“ სწორია, მთავარი აქცენტი სწორად იყო დასმული და სიაც, შესაბამისად, კარგად გამოიყურება

ვფიქრობ, სიის ფორმირების პრინციპი „ლელოში“ სწორია, მთავარი აქცენტი სწორად იყო დასმული და სიაც, შესაბამისად, კარგად გამოიყურება, - ასე აფასებს პოლიტოლოგი გია ხუხაშვილი პოლიტიკური პარტია „ლელოს“ საარჩევნო სიას.

მისი თქმით, საქართველოში, ცივილიზებული ქვეყნებისგან განსხვავებით, სიის შედგენის სწორი კრიტერიუმი არ არსებობს და ამას ადასტურებს ის ფაქტიც, რომ წინა და მოქმედი მთავრობების სია ერთნაირი ალგორითმითაა შედგენილი.

„რაც შეეხება პრინციპს, სამწუხაროდ, ჩვენი პოლიტიკური ელიტის საარჩევნო კულტურა ჯერ კიდევ დაბალია. ცივილიზებულ სამყაროში პარტიული სიები სხვა კრიტერიუმით დგება, ჩვენთან კი სხვა სისტემით. პროფესიონალი პოლიტიკოსებისგან უნდა შედგებოდეს სია, ჩვენთან კიდევ ადამიანები პოლიტიკოსებად ყალიბდებიან სიის შედგენის მომენტში, ასეთი მოცემულობა გვაქვს. ეს განპირობებულია იმით, რომ პოლიტიკური ძალები ვიღაცის ნების შემსრულებლად ითვლებიან, მთავარია, ხმები შეაგროვონ. მხოლოდ ესაა მათი ფუნქცია და შემდეგ ზემოდან მიღებული დირექტივა უნდა შეასრულონ. ამას ჩვენ ვხედავთ და ტერმინი „მორჩილი უმრავლესობა” აქედან მომდინარეობს. შესაბამისად, „ნაციონალური მოძრაობის“ და „ქართული ოცნების“ სიები ამ პრინციპითაა დაკომპლექტებული. დღეს რომ სიები გაცვალონ, ამას ვერც მივხვდებით, იმდენად ერთნაირი ალგორითმით აქვთ შედგენილი. თუ ჩვენ გვინდა, რომ ქვეყანა განვითარდეს, როგორც სიის შედგენის დროს, ასევე ხმის მიცემის მომენტში უნდა სარგებლობდეს შემდეგი კრიტერიუმებით: ცნობადობა, დაუზიანებელი პოლიტიკური ბიოგრაფია, ბოლო 4 წლის სამოქალაქო აქტივობა, დარგობრივი კომპეტენცია, რაც „ლელოს“ ნამდვილად აქვს,“- აცხადებს გია ხუხაშვილი.

პოლიტოლოგი „ლელოს“ ლიდერების შესაძლებლობებზეც საუბრობს და აცხადებს, რომ მიზეზი, რის გამოც პარტიის თავმჯდომარე საზოგადოების გარკვეულ ნაწილში გაღიზიანებას იწვევს, მისი კავშირია ბანკთან, თუმცა, ხუხაშვილს მიაჩნია, რომ ბანკირობა კომპრომატი არ უნდა იყოს, მაშინ, როდესაც მამუკა ხაზარაძეს ქვეყნის ყველაზე დიდი და გამართული კორპორაცია აქვს აგებული, „თიბისი ბანკის“ სახით.

„შეიძლება ხაზარაძე ვიღაცას მოსწონს ან არ მოსწონს, მაგრამ უდაოა, რომ ის თავის საქმეში კარგად ერკვევა, მაღალ დონეზე იცის ეკონომიკა და ფინანსები. ვერსად გავექცევით ფაქტს, რომ საქართველოში ბანკირები არ უყვართ, თუმცა არ ვიცი, რატომაა ეს კომპრომატი. არ მოსწონდეს პოლიტიკური ფიგურა, ამის ობიექტური მიზეზებიც არსებობს და სუბიექტურიც. მამუკა ხაზარაძის შემთხვევაში სუბიექტური მიზეზი ისაა, რომ როდესაც ადამიანს სოციალურად უჭირს და სამწუხაროდ, ჩვენს ქვეყანაში ასეთი ბევრია, მას უადვილდება მდიდარ ადამიანზე ნებისმიერი მოგონილი სიბინძურის დაჯერება, მე არ ვამბობ, რომ ხაზარაძე ანგელოზია, მაგრამ ის არის საქმის ადამიანი და მან იცის საქმის კეთება. მას აქვს კორპორაციული მშენებლობის უზარმაზარი გამოცდილება, რადგან „თიბისი ბანკი“ ყველაზე წარმატებული პროექტია, სადაც ათასობით ადამიანი მუშაობს. ამ მასშტაბის კორპორაცია საქართველოში არ არსებობს და ეს ააშენა ხაზარაძემ,“-განაცხადა ხუხაშვილმა.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
“პარტია ალეკო ელისაშვილი - მოქალაქეების” ერთ-ერთი ლიდერი ლევან იოსელიანი - ჩვენ უნდა დავიწყოთ ახალი სასამართლო სისტემის  მშენებლობა
ქართული პრესის მიმოხილვა 28.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო