ბათუმში, კლინიკა „მედცენტრის" მიმდებარე ტერიტორიაზე ბუნებრივი აირის მილი დაზიანდა, რის გამოც პაციენტების ნაწილი პრევენციის მიზნით შენობიდან გაიყვანეს.

როგორც კლინიკაში "ინტერპრესნიუსს" განუცხადეს, შენობაში სპეციფიური სუნი იგრძნობოდა.

„კლინიკის მიმდებარედ დაზიანდა ბუნებრივი აირის ცენტრალური მილი. პაციენტების უსაფრთხოების მიზნით ისინი შენობიდან გაიყვანეს და რამდენიმე წუთში უკან დააბრუნეს. ადგილზე მუშაობენ სპეციალისტები",- აცხადებენ კლინიკაში

კლინიკის ინფორმაციით, ამ დროისათვის ბუნებრივი აირი არ მიეწოდებათ.