აჭარის ტელევიზიის თანამშრომელს კორონავირუსი დაუდასტურდა

საზოგადოებრივი მაუწყებლის აჭარის ტელევიზიისა და რადიოს ერთ თანამშრომელს კორონავირუსი დაუდასტურდა.

ინფიცირებული პირი კოვიდ სასტუმროშია გადაყვანილი.

როგორც არხის ადმინისტრაციაში აცხადებენ, მათი თანამშრომელი ოჯახის წევრებისგან დაინფიცირდა.

„კორონავირუსი საზოგადოებრივი მაუწყებლის აჭარის ტელევიზიისა და რადიოს კიდევ ერთ თანამშრომელს დაუდასტურდა. ამჟამად ის კოვიდსასტუმროშია გადაყვანილი და დაკვირვების ქვეშ არის. ცნობილია მისი ინფიცირების წყაროც, ის ოჯახის წევრისგან დაინფიცირდა“, - აცხადებს არხის საზოგადოებასთან ურთიერთობის მენეჯერი, ფირუზ ბოლქვაძე.

რაც შეეხება სხვა თანამშრომლებთან კონტაქტს, ფირუზ ბოლქვაძის თქმით, იმის გათვალისწინებით, რომ მაუწყებელი მუშაობს საგანგებო რეჟიმში და თანამშრომლები სამსახურში მონაცვლეობით ცხადდებიან, ინფიცირებული თანამშრომელი სამსახურში 25 სექტემბრის შემდეგ არ იმყოფებოდა.

„თუმცა, უსაფრთხო სამუშაო გარემოს შენარჩუნების მიზნით, პროტოკოლით გათვალისწინებული ღონისძიებები მაინც გატარდება. აღსანიშნავია, რომ ინფიცირებული ახალი ამბების სამსახურის თანამშრომელია, თუმცა არც ჟურნალისტი და არც ოპერატორი არ არის",- აცხადებს ფირუზ ბოლქვაძე.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს