გიგა ბოკერია - უსაფრთხოების საბჭოს მოწვევა დაგვიანებული იყო

უსაფრთხოების საბჭოს მოწვევა დაგვიანებული იყო“,- ასე აფასებს „ევროპული საქართველოს“ ერთ-ერთი ლიდერი, ფოთის, ხობისა და სენაკის მაჟორიტარობის კანდიდატი გიგა ბოკერია, უსაფრთხოების საბჭოს სხდომას და საქართველოს მთავრობის პოზიციას ყარბაღის კონფლიქტის მიმართ.

გიგა ბოკერიას თქმით, საქართველოს ხელისუფლება ვერ შეასრულებს ვერანაირ როლს კონფლიქტის მოგვარებაში, რადგან მას დაკარგული აქვს რეპუტაცია.

„პრობლემა მდგომარეობას იმაში, რომ დღევანდელ ხელისუფლებას, ივანიშვილს, მის გარემოცვას, მის პრემიერ-მინისტრს თუ პრეზიდენტს არც რეგიონში და არც მსოფლიოში არ აქვთ ის ავტორიტეტი, რომ მათ სიტყვას ფასი ჰქონდეს ასეთ დაძაბულ დროს. რაც არ უნდა თქვან, ეს არის საქართველოს პრობლემა.

უსაფრთხოების საბჭოს მოწვევა დაგვიანებული იყო. ყველამ იცის, რომ ეს ორგანო, რეალურად აღარ არსებობს. ეს განცხადებაც დაგვიანებულია.

ეს ხელისუფლება ვერანაირ როლს ვერ შეასრულებს, რადგან იმისათვის, რომ რაიმე როლი შეასრულო, უნდა გქონდეს რეპუტაცია, ხოლო ივანიშვილს და მის გარემოცვას მსოფლიოში და რეგიონში რეპუტაცია აქვთ დაკარგული“, -განაცხადა გიგა ბოკერიამ.

შეგახსენებთ, რომ დღეს აზერბაიჯანისა და სომხეთის რესპუბლიკებს შორის სამხედრო დაპირისპირებასთან და შექმნილ ვითარებასთან დაკავშირებით საქართველოს ეროვნული უსაფრთხოების საბჭოს სხდომა გაიმართა. სხდომაზე განხილულ იქნა აღნიშნული კონფლიქტით გამოწვეული მძიმე ვითარება, რომელსაც შედეგად უკვე მოყვა მსხვერპლი.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
“პარტია ალეკო ელისაშვილი - მოქალაქეების” ერთ-ერთი ლიდერი ლევან იოსელიანი - ჩვენ უნდა დავიწყოთ ახალი სასამართლო სისტემის  მშენებლობა
ქართული პრესის მიმოხილვა 28.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო