ადვოკატის განცხადებით, მარნეულის ინციდენტთან დაკავშირებით "ნაციონალური მოძრაობის" აქტივისტი ლაშა ქველაძე დააკავეს

მარნეულში "ნაციონალური მოძრაობის" აქტივისტი ლაშა ქველაძე დააკავეს. ამის შესახებ ქველაძის ადვოკატმა განაცხადა.

ადვოკატის განცხადებით, მისი დაკავება 162-ე პრიმა მუხლით მოხდა, რომელიც ითვალისწინებს ჯარიმას ან თავისუფლების აღკვეთას ვადით ორ წლამდე.

"გამოძიება არის პოლიტიზირებული, "ქართული ოცნება" ოპონენტების დაკავებას ცდილობს, ნაცვლად იმისა, რომ დამნაშავე პირები დააკავოს, რომლებმაც ლაშა ქველაძეზე თავდასხმა და ძალადობა განახორციელეს",- აღნიშნა მან.

ლაშა ქველაძე დღეს მარნეულის პოლიციაში გამოკითხვაზე იმყოფებოდა. დაკავება სწორედ აღნიშნულის შემდეგ მოხდა.

საქმე ეხება რამდენიმე დღის წინ, მარნეულში „ნაციონალური მოძრაობისა“ და „ქართული ოცნების“ აქტივისტებს შორის დაპირისპირებას.

ცნობისთვის, 15:00 საათზე, შსს-ში ბრიფინგი გაიმართება. შსს-ს ინფორმაციით, ბრიფინგის თემა წინასაარჩევნოდ ბოლნისსა და მარნეულში მომხდარ ფაქტებთან დაკავშირებით პოლიციის მიერ 4 პირის დაკავება იქნება.

დამატებითი დეტალები სწორედ ბრიფინგზე გახდება ცნობილი.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს