ჯანდაცვის მინისტრი - ქვეყანაში PCR ტესტების საკმარისი მარაგია  და ჯერჯერობით დეფიციტი არ შეინიშნება

ჯანდაცვის მინისტრის, ეკატერინე ტიკარაძის გაცხადებით, ქვეყანაში PCR ტესტების საკმარისი მარაგია შეძენილი და ჯერჯერობით დეფიციტი არ შეინიშნება.

როგორც მან საკოორდინაციო საბჭოს დასრულების შემდეგ ბრიფინგზე განაცხადა, ტესტების შეძენა პარალელურ რეჟიმში მიმდინარეობს.

„PCR ტესტების მარაგი ქვეყანაში შეძენილია. აღნიშნულის გათვალისწინებით, დეფიციტი არ ფიქსირდება. ჩვენ მუდმივად ვაკონტროლებთ ჩვენს მარაგებს და შესყიდვებიც პარალელურ რეჟიმში, გეგმურად მიმდინარეობს“, - განაცხადა ტიკარაძემ.

ჯანდაცვის მინისტრის თქმით, მიუხედავად იმისა, რომ კორონავირუსით ინფიცირებულთა რიცხვი გაზრდილია, ასევე საკმაოდ მაღალია პროცენტული გამოვლენა იმ სამიზნე ჯგუფებში, რომლებსაც ტესტირება უტარდებათ.

„ამ შემთხვევაში, ჩვენ გაზრდილ რიცხვებს არ აღვიქვამთ, როგორც ნეგატიურ რიცხვებს, ვინაიდან საკმაოდ მაღალია პროცენტული გამოვლენა იმ სამიზნე ჯგუფებში, რომლებშიც ტესტირებას ვატარებთ. ჩვენი მიზანია სწორედ ის, რომ გამოვლენა მაღალი გვქონდეს და არც ერთი ინფიცირებული ადამიანი არ დარჩეს, როგორც რისკის მატარებელი საზოგადოებაში და შესაბამისად, ინფექციის გამავრცელებელი, ასევე ექიმის მეთვალყურეობის ქვეშ“, - განაცხადა ტიკარაძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა