ბათუმის შავი ზღვის მუსიკისა და ხელოვნების საერთაშორისო ფესტივალი გაიმართება

16-18 ოქტომბერს, საქართველოს განათლების, მეცნიერების, კულტურისა და სპორტის სამინისტროს მხარდაჭერითა და საქველმოქმედო ფონდ „ლირას“ ორგანიზებით, კლასიკური მუსიკისა და ქართული ფოლკლორისადმი მიძღვნილი ბათუმის შავი ზღვის საერთაშორისო მუსიკალური ფესტივალი გაიმართება.

როგორც „ინტერპრესნიუსს“ განათლების, მეცნიერების, კულტურისა და სპორტის სამინისტროდან აცნობეს, სამინისტროში ბათუმის შავი ზღვის მუსიკისა და ხელოვნების საერთაშორისო ფესტივალთან დაკავშირებით პრესკონფერენცია გაიმართა. ღონისძიებას საქართველოს განათლების, მეცნიერების, კულტურისა და სპორტის მინისტრის მოადგილე ლევან ხარატიშვილი და ფესტივალის ორგანიზატორი და მხარდამჭერი ორგანიზაციების წარმომადგენლები უძღვებოდნენ.

„კორონავირუსის პანდემიის პრევენციის მიზნით შემუშავებული რეგულაციებისა და მსოფლიოში არსებული საფესტივალო გამოცდილების გათვალისწინებით, ფესტივალი წელს განსხვავებული ფორმატით ჩატარდება და მასში ცნობილი მუსიკოსები მიიღებენ მონაწილეობას. ფესტივალი ასევე უმასპინძლებს ნორჩ ქართველ ტალანტებს. ნიჭიერი ახალგაზრდა პიანისტების მხარდასაჭერად, დაგეგმილია მოსმენა და მასტერკლასები. ბათუმში დაგეგმილ კონცერტებს მაყურებელი ტელეკომპანია POSTV-ის პირდაპირი ეთერით იხილავს.

ბათუმის შავი ზღვის მუსიკისა და ხელოვნების ფესტივალი ერთადერთი კულტურული ღონისძიებაა საქართველოში, რომელმაც მეოთხედ მოიპოვა იუნესკოს მაღალი პატრონაჟი განსაკუთრებული ღირებულებებისა და მუსიკალური განათლების განვითარებაში წვლილის შეტანისთვის.

ფესტივალი იმართება საქართველოს განათლების, მეცნიერების, კულტურისა და სპორტის სამინისტროსა და აჭარის ავტონომიური რესპუბლიკის მხარდაჭერით“,-აღნიშნულია ინფორმაციაში.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"